Артык алмаларны файдалы итеп ничек кулланырга?
Алмалардан компост ясарга, башка куакларга ашлама итеп кулланырга, терлекләргә ашатырга була.
«Артык» алмаларны ничек дөрес һәм максималь файда белән кулланырга мөмкин булуы турында «Россия авыл хуҗалыгы үзәге» ФДБУнең Татарстан Республикасы филиалы җитәкчесе урынбасары Любовь Занина сөйли. Бу турыда Татарстан авыл хуҗалыгы һәм азык-төлек миниистрлыгының матбугат хезмәте хәбәр итте.
Алма өлгерә торган вакыт җитә. Артык алмаларны куллануның иң дөрес ысуллары:
Алмаларны компост чокырына салырга. Коелган алмалар менә дигән углевод чыганагы, алар компост чокырында черемә барлыкка килүне тизләтәләр.
Аларны карлыган, крыжовник һәм башка җиләк-җимеш куакларына ашлама урынына кертергә мөмкин. Куаклар арасында яисә тирәсендә тирән булмаган чокырлар ясарга, аларга коелган алмаларны ваклап салырга кирәк. Җир белән кушарга һәм өстенә грунт катламы салырга.
Коры яки сыек ашлама рәвешендә кулланырга.
Алманы терлекләр рационына өстәргә мөмкин. Атлар, кәҗәләр, сарыклар, сыерлар рационына шундый витаминлы өстәмә бик файдалы булачак, диелә хәбәрдә.