Артур Салиховка инстачы: «Бигрәк ябык син. Әллә коймак пешереп ашатучың юк инде»
Инстачыларны җырчы Артур Салиховның чамадан тыш ябык булуы борчуга салган.
Җырчы Артур Салихов инстаграмда тиздән музыкаль мәйданнарга чыгачак яңа җырын тәкъдим иткән. Инстачылар җырны «шәп» дип бәяләгәннәр. Шулай ук виртуаль дуслары таганга утырып моңланучы Артурның бик ябык күренүенә борчылу белдергәннәр.
«И, улым, бигрәк ябыксың. Әллә коймак пешереп ашатучың юк инде», — дип язган аңа берсе.
«Өлгерер әле тазарырга, ябыклыкның рәхәтен күреп калсын», — дип икенче виртуаль дусты Артурны яклап чыккан.