Артур Исламов белән Эльза Заяри 90нчы еллар стилендәге яңа җырларын тәкъдим итте

Татар сәхнәсендәге иң универсаль җырчы Артур Исламов белән хатыны Эльза Заяри «Кайда соң» җырын тәкъдим итте. Алар 90нчы еллар стилендә киенгән. Классик әсәрләрне башкаручы җырчыларны мондый стильдә күрү бераз сәеррәк тә, әмма эксперимент та кирәк дип уйлаганнардыр.

Җырның сүзләрен Гөлүсә Батталова, ә көен Артур Исламов үзе иҗат иткән.

Иҗади парның яңа җырын яратып, «шәп килеп чыккан» дип кабул иткәннәр.

«Сезне сондый образда күрү дә кызыклы. Сез барысын да булдырасыз, сәләтле пар. Ләкин сезнең кебек профессиональ дәрәҗәдә классик әсәрләрне бөтен артистлар да башкара алымый. Шул өстенлегегезне хөрмәтләсеннәр иде», – дип комментарий калдыручылар да бар.