Артур Исламов белән Эльза Заяри аспирантура дипломын алган
Бу хакта баритон тембры иясе Артур Исламов Инстаграм битендә хәбәр итә.
Муса Җәлил исемендәге Татар дәүләт опера һәм балет театры солисты Артур Исламов һәм аның тормыш иптәше Эльза Заяри Нәҗип Җиһанов исемендәге Казан дәүләт консерваториясендә аспирантура тәмамлап, дипломнар алган.
Консерватория каршындагы Татар операсы студиясе җитәкчесе Әлфия Җаббарова, Исламовларның кызына ишарә ясап, “тагын бер диплом алырга килегез – балакайга”, - дигән. “Әлегә дипломнар белән өй тулган, аңа җитә”, - дип җавап биргән Артур. Исламовларны тамашачылар “Молодцы, барысына да өлгергәнсез! Укып чыктыгыз, гаилә кордыгыз, балагыз бар, профессионализм дәрәҗәсен күтәрдегез, браво!”, - дип алкышларга күмгән.
