Соңгы вакытта татар эстрадасында «Казан егетләре»нең элеккеге солисты Артур Минһаҗев белән Мәскәүдә яшәп иҗат итүче Гүзәлия дуэты популярлашып китте. Алар актив рәвештә иҗат итә, концертлар куя, яңа җырлар яздыра.
Җырчылар социаль челтәрдәге сәхифәләрендә мәхәббәт турындагы чираттагы яңа җырларын тәкъдим итте.
«Мин яраттым сине» җырының сүзләрен Эльвира Әхмәтова, ә көен Гүзәлия үзе иҗат иткән.
«Искиткеч дуэт», «Яраттым сезне», «Шәп», – дип бәя биргән тамашачылар.