«Артистларның дуслыгы күренде» - Фирдүс Тямаев Гүзәл Уразовага рәхмәтен белдерде
Фирдүс Тямаевның Башкорстандагы концерты өзелү вакыйгасына карата Гүзәл Уразова да үзенең фикерен белдергән.
«Фирдүс Тямаев, дустым! Сине шундый көләч йөзле итеп күрәсебез килә. Халык белән безне аеру дөрес түгел. Халыкның яраткан җырчысын күрә алу мөмкинлеге булырга тиеш дип уйлыйм», — дип язган ул.
«Бердәнбер халык артисткасы Гүзәл Уразова минем хәлемне белде! Афәрин! Рәхмәт сиңа!» — дип җавап кайтарган Фирдүс Тямаев.
«Гүзәлнең күңеле гүзәл инде! Афәрин! Шундый чакта хәлләрне белешергә кирәк, кем белән ни булмас!», «Артистларның дуслыклары күренде», «Шамакай Элвин Грейны бөтенләй дә якын китермәсеннәр Татарстанга, башта ук болгатып йөрде. Салават аны бик тиз аңлап алды. Әлеге скандалдан соң Элвин Грейны беркем дә хөрмәт итмәячәк», «Радик ул — боламык таягы», «Менә аңла инде шуннан, бөтен кеше син түгел шул, Фирдүс», — дип фикерләрен яза инстачылар.