Армиягә повестка алудан качып йөргән Азнакай егетен хөкем итәләр
Ул берничә ел дәвамында военкоматның повесткасын алмаган.
Татарстанда 22 яшьлек егеткә карата җинаять эшен тикшерү төгәлләнгән. Азнакай районында яшәүче егет берничә ел дәвамында повестка алудан баш тарткан. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкийга сылтама белән «Татарстан 24» каналы хәбәр итте.
Тикшерү версиясе буенча, 2019-2021 елларда бу егет повестка алудан баш тарта, медицина тикшеренүе узу һәм хәрби хезмәтне үтәү урынына бару өчен хәрби комиссариатка килми.
22 яшьлек егет гаебен таныган. Гаепләү карары расланган җинаять эшен судка тапшырганнар, диелә хәбәрдә.