Күп очракта арка авырту артык куркыныч булмый, ләкин билгеле бер симптомнар барлыкка килсә, табибка мөрәҗәгать итү хәерле. Бу турыда Медикфорумга сылтама белән «Челнинские известия» хәбәр итте.
Аркада авырту — күп очракта җитлеккән кеше организмының халәте бозылуны аңлата. Аның мускуллары тартылырга, нервы кысылырга мөмкин, бу үзеннән-үзе бетә торган әйберләр.
Аркада авырту җитди булуын билгели торган симптомнар:
- Җенес органнары яки арт якта ою, кадаган кебек булу.
- Сидек бүленеп чыгу кыенлашу.
- Сидек куыгы яки эчәклекне контрольдә тотып булмау.
- Күкрәк читлеге авырту.
- Тән температурасы 38 градустан күтәрелү.
- Ябыгу.
- Арка деформацияләнү.
- Ял иткәч җиңеләймәү яки төнлә авыраю.
- Җитди травмадан, мәсәлән, авариядән соң арка авырту.
Бу авыртуларның сәбәбе төрле булырга мөмкин. Бу — бүсер, бөер яки сидек юлларында ташлар, остеопороз, менингит һәм башкалар, сирәк очракта яман шеш тә булуы ихтимал, диелә хәбәрдә.