Арча районы Сөрде авылы мәктәбенең түбәсе ишелгән - видео
Бәхеткә, балалар инде өйләренә кайтып киткән булган.
Арча районы Сөрде авылы мәктәбенең түбәсе ишелгән. Авыл кешеләре әйтүенчә, түбәне кардан чистартмаганнар. Бина иске, түбәсе дә иске материаллардан эшләнгән, ди авыл кешеләре.
Бәхеткә, балалар өйләренә кайтып киткән чак булган. Зыян күрүчеләр юк, диде вакыйганың шаһитлары.
Клубныкы да җимерелергә мөмкин, карын чистартмыйлар. Күрше авыл мәктәбенең дә түбәсен кар баскан, дип хәбәр итә исемнәрен әйтергә курыккан авыл кешеләре.
