Арча пранкеры Рөстәм Зыятдинов хатын-кыз булып сөйләшеп, телефонына акча салуны сорый
Пошалым авылында яшәүче Рөстәм Зыятдинов телефон аша шаяртулары белән танылды.
Арча районы Пошалым авылында яшәүче пранкер Рөстәм Зыятдинов турында Интертат язган иде инде. Ул тагын шаярта — хатын-кыз булып сөйләшеп, таныш ир-атны үзенең телефонына ике йөз сум акча күчерергә үгетли.
«Хатының кайтмадымы, үзең генәме?» — дип ниндидер Тәскирә исеменнән Реваль исемле ир белән сөйләшә ул. Ир башта аптырап калса да, «Тәскирәнең» үгетләвенә ышана. Аннары «Тәскирә» аулак өйгә төшеп менәргә вәгъдә бирә.
Пранкерны видеога төшергән егет көлүен чак кына тыеп тора.