Арчада район мәдәният йортының элеккеге директорын мошенниклыкта гаепле дип тапканнар. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.
Тикшерү версиясе буенча, 2018-2023 елларда район мәдәният йорты директоры чаралар уздыру турында эшмәкәрләр белән килешүләр төзи, аннары акчаның бер өлешен үзләштерә. Ул бу чыгымнарны «муниципаль ихтыяҗлар өчен» дип күрсәтә. 200 мең сумнан артык зыян китерү ачыкланган.
Җинаять эшнен тикшергәндә зыян тулысынча капланган. Суд мәдәният йортының элеккеге директорына штраф рәвешендә җәза биргән, дип яза «Татар-информ».