Апрельдә хәрби хезмәткә чакырылачак срочник-солдатларны Россиянең яңа төбәкләренә җибәрмәячәкләр, һәм бу төбәкләрдә әлегә чакырылыш булмаячак. Бу хакта Оборона буенча Дәүләт Думасы комитеты башлыгы Андрей Картаполовка сылтама белән ТАСС яза.
«Яңа төбәкләрдә бернинди рәвештә дә срочник хәрбиләр булмаячак. Һәрхәлдә, әлегә булмый», – диде ул, апрель аенда чакырылачак срочниклар ДНР, ЛНР, Запорожье яки Херсон өлкәләренә хезмәт итү өчен җибәрелә аламы, дигән сорауга җавап биреп.
Картаполов аңлатканча, махсус карар чыкканчы, бу төбәкләрдә чакырылыш булмаячак һәм башка төбәкләрдән чакырылган срочниклар да анда җибәрелмәячәк. «Сәбәпләре аңлашыла. Анда махсус хәрби операция бара, анда аларга берни дә калмаган», – дип өстәде комитет җитәкчесе.
Шул ук вакытта депутат бу режимның кайчанга кадәр дәвам итәчәген әйтмәде. «Вазгыять нормальләшкәч, без бу төбәкләрдә чакырылыш мәсьәләсенә кайтырбыз», – диде ул.