Апас районында йөк машинасы килеп бәрелгәч, күп балалы гаилә яши торган өй җимерелгән
Йөк машинасы килеп кергән чакта өйдә булган бер бала имгәнә.
Апас районында ерак юлдан килә торган «Камаз» машинасы күп балалы яши торган өйгә килеп бәрелгән. Өй тулысынча диярлек җимерелгән. Бу турыда «Татарстан 24» каналы хәбәр итте.
Фаҗига Түбән Бөябашы авылында була. Машина килеп бәрелгәндә өйдә булган олы малай имгәнә. Аны хастаханәгә илткәннәр. Башка кешеләр имгәнмәгән.
Хәзер бу гаиләнең торыр урыны да юк. Биредә яшәүче хатын өч баласын ялгызы гына үстерә. Балаларның берсенең сәламәтлек үзенчәлекләре булу сәбәпле, ул сыйфатлы тәрбия таләп итә.
Хәзер балалар белән аналары туганнарында яшәп тора. Аларга вакытлы торак биреп торырга җыеналар, ләкин күп балалы ана үз йортын торгызырга тели, диелә хәбәрдә.