Буада концерт белән булганда, Әнвәр Нургалиев Раил Садриев янына кунакка кереп чыккан.
«Картиналарын, китапханәсен барлый», – дип, ул Садриевның бүлмәсен күрсәтә. «Мондый кабинет берсендә дә юк», – дип тә куя.
«Раил абый, бик шат сине күрүгә. Татарыбызның сынмас кешеләренең берсе. Безнең хакта язачаклар әле. Горурланам синең белән», – ди ул, бүлмә хуҗасын иңнәреннән кочаклап.
Раил Садриев кунагына бакчасын, пыяла верандада үсеп утырган кыярларын күрсәтә, яңа уңыш белән сыйлый да.
«Буада булганда, һәрвакыт Раил абый Садриев белән күрешәм. Минем өчен ул – бөек шәхес, абый, чын татар, татарыбыз өчен янып яшәгән кеше. Буа драма театры төзелүгә, аның данын бөтен Россиягә таратуга зур өлеш керткән кеше. Нинди генә авырлыклар килсә дә, ул күңелен төшерми: әсәрләр, картиналар яза, бакча белән шөгыльләнә.
2014-2015 елларда концертыма алып баручы итеп чакырган идем. Раил абый, булганың өчен рәхмәт. Син – чын шәхес», – дип яза ул.