"Татар-информ" архивы
Җырчы социаль челтәрдәге сәхифәсендә бер-бер артлы игъланнар куя башлады.
Ул үзенең – сәхнә, улының чыгарылышта кигән костюмнарын мохтаҗ кешеләргә бушка бирүләре турында хәбәр итә. Пиджәк-чалбарларны нибары бер генә тапкыр кигәннәр икән. Шулай ук, бөтен киштәләре белән бергә укучы балалар өчен компьютер өстәлен дә кирәк кешегә бирәбез, ди җырчы. «Балаларын ялгыз тәрбияләп үстерүче әниләргә, ятимнәргә булса, яхшырак», – дип язып куйган Әнвәр әфәнде.
Күрәсең, Нургалиевлар артык әйберләрдән арынырга ниятләгәннәр, шул ук вакытта кирәк кешеләргә менә дигән мөмкинлек тә тудыралар. Савабы булсын.
Фотолар: Әнвәр Нургалиевның социаль челтәрдәге аккаунтыннан
