Әнвәр Нургалиев: «Мәхәббәт яхшы коньяк кебек ныгырга тиеш, сөт кебек әчергә түгел»

Әнвәр Нургалиев ТМТВ каналында Лилия Кадыйрова алып барган «Сөйләшергә кирәк» тапшыруында мәхәббәт турында сөйли:

«Хис бит ул үзе картаймый. Йөрәк кебек. Була инде ул, көнләшеп тә аласың. Көнләшмичә мәхәббәт булмый. Мәхәббәт яхшы коньяк кебек ныгырга, яхшырырга тиеш, сөт кебек әчергә тиеш түгел. Хис бар икән – ул мәңгелек.

Мәхәббәт булган җирдә көнләшү булырга тиеш. Минемчә, ул 70-80дә дә бар.

Минем әти, мәсәлән, әни күршегә кереп китсә: «Инәгез кайда, нигә озак тора ул?» – ди иде. 78 яшьтә дә шулай иде ул. Көнләшү бар, ул булырга тиеш».