Җырчы Әнвәр Нургалиев туган авылына, инде үзен беркем көтми торган буш нигезгә кайткан һәм авыр хатирәләргә бирелгән.
«Хәерле көн, дусларым. Ике көнгә үзебезгә – Әлшәйгә кайттык әле концерт белән. Бүген авылга кайтып килдем. Алмагачларны кистем, күптән кисәргә йөри идем.
Моңсу авылда… Күңел елый – җимерек, буш өйләргә карап. Бар иде заманалар, шау-гөр килеп торган чаклар. Кая киткән соң алар?
Сез ничек уйлыйсыз, авылларыбыз яңадан калкып чыгармы икән?» – дип сорый җырчы.
