Бүген 50 яшен тутырган Әнвәр Нургалиев социаль челтәрдә сарымсак ашауның файдасы турында сөйләде. Ул сарымсак турында махсус видео төшергән.
«Бәләкәй чакта кетер-кетер ипи ашыйбыз, дип сөйләгән идем. Бу ипи дә бәләкәй чактагы кебек кетер-кетер килә, кыздырып бирелгән. Өстенә сарымсак сөртәм. Каберәүләр, сарымсак ашасаң, ис килә, диләр. Чирләп ятканчы, ис килүе яхшырак. Ул – антибиотик. Шуңа күрә ныграк ышкырга кирәк. Аш белән ашарга. Тәмле булсын. Ә исеннән курыкмагыз беркайчан да», – дип киңәш итә җырчы.