Татарстанның атказанган артисты Әнвәр Нургалиевның әнисе вафат булганга 4 ел вакыт узып киткән. Җырчы, якын кешесен искә алып, социаль челтәргә видео урнаштырган.
«Бүген – әнисез калганга 4 ел. Гомерем буе сиңа Коръән укып, догалар укып яшәргә язсын, Аллаһы боерса. Бүген дә менә догалар укыттым, изге Рамазан аенда кабул булсын догаларым. Әмма күңел сыкрый һаман. Ничә яшьтә булсаң да, әти-әнисез калгач, ятимгә әйләнәсең икән. Бер генә үкенечем калды – әниемә «яратам сине, әнием» дип әйтә алмадым. Шуңа күрә, исәннәрнең кадерен бел, мәрхүмнәрнең каберен бел, дип юкка гына әйтмәгәннәр. Тыныч йокла, әнием», – дип язган җырчы.
Әнвәр Нургалиевның әнисенең үлеме бик үкенечле булды. Аны коронавирустан вафат булды, дип фаразлап, махсус табутта җирләделәр. «Мин хәер дә тарата алмадым, кеше янына килеп, әнинең каберенә балчык та ата алмадым. Гәрчә шушындый махсус табутта булган мәет токсиннар чыгармый, кеше аңлап бетермәс дип, махсус бер кеше янына да бармадым», – дип сөйләгән иде җырчы «Интертат»ка, бик борчылып.
Бу темага язмалар:
-
Әнвәр Нургалиев: Әнидә коронавирус табылуы дөрес, әмма аның үлем сәбәбе — ишемия
-
Әнвәр Нургалиевның әнисен коронавирус чиреннән үлгән дип фаразлыйлар