Уфада Әнвәр Нургалиевның 9нчы концерты гөрләп узды, 29 майда 10нчы концерты көтелә.
«Тамашачым, зурлаганыгыз өчен бик зур рәхмәт. Балаларыбыз Салман белән Сәид тә безнең белән, Аиша гына килмәде (Чишмәдә туганнан туган апалары белән калды). Малайлар традиция буенча концертыма килде, тик бу юлы – әнисез. Мең рәхмәт халкыма, безнең кайгыны уртаклашкан өчен. Дианага багышланган җырны бөтен тамашачы басып тыңлады. Без, туганнары, безнең сеңлебезне шулай яратуыгызны, хөрмәт итүегезне белмәдек тә», – дип язган җырчы социаль челтәрләге сәхифәсендә.
«Гомерләр бер генә» җырын нәкъ менә Диана хит ясады. Ул барыбызны да берләштерде», – дип язган җырчы яңа куйган видеосы астына.
...Барыбыз да кунак бу дөньяда.
Кемгә күпме язган:
Кем – соңрак, кем – алдан...
Барысы да язмышның кулында,
Барысы да Ходай кулында...
Комментарийларда кайгы уртаклашу һәм мәрхүмәне сагыну сүзләре язып калдырганнар.
Диана – Әнвәр Нургалиевның бертуган апасының кызы – юл фаҗигасендә һәлак булды. Башкортстандагы популяр блогерның сәхифәсен 80 меңнән артык кеше карап барган. Шулай ук ул авыру балаларга, махсус операциядәге хәрбиләргә ярдәм җыю белән шөгыльләнгән. Диана 3 баласын ялгызы гына үстерә иде. Аның 1нче сыйныфта укучы Аиша исемле кызы һәм 5әр яшьлек Салман һәм Сәид исемле игезәк уллары ятим калды.