Антибиотиклар эчкәннән соң ничек тукланырга?

Антибиотиклар курсы белән дәваланганнан соң, грейпфрут, чүпрә, шикәр һәм алкоголь кулланырга ярамый. Бу турыда нутрициолог Анна Ивашкевич сүзләренә сылтама белән «Известия» хәбәр итте.

«Әлеге продуктлар, беренчедән, антибиотикларның үзләштерелүенә комачаулый, шулай ук алар сару кайнау, эч авырту, йөрәк ритмы бозылуны китереп чыгарырга мөмкин», — ди табиб.

Аның сүзләренчә, кайсыбер дарулар эчәклекнең микрофлорасын боза. Антибиотик эчкәч, кандидоз барлыкка килергә, баллы һәм камыр ризыклары ашагач, кандидоз тагын да көчәергә мөмкин.

Антибиотиклар белән дәваланганнан соң, ашкайнату системасына ярдәм итү өчен, пробиотикларга бай ризыклар ашарга кирәк. Болар арасында иң яхшысы — әчетеп тозланган кәбестә. Шулай ук артишок, шпинат, бөтен бөртекле ярмалар, табигый йогыртлар, кефир, яшелчәләр һәм җиләк-җимешләр, брюссель кәбестәсе, петрушка, сырганак (облепиха) ашау файдалы, диелә бу хәбәрдә.