Антальяда Россия туристлары утырган автобус әйләнгән
Антальяда Россия туристлары утырган автобус әйләнгән
Төркиянең Анталья шәһәрендә туристик автобус әйләнгән. Автобуста Россиядән килгән 15 кеше булган, дип хәбәр итә ТАСС.
Һәлакәт бүген иртәнге алтылар тирәсендә булган. Россия туристлары кайту юлына, аэропортка бара торган булган. 15 кеше җәрәхәтләнгән. Шуларның җидесе госпитализациядән баш тарткан һәм аэропортка киткәннәр. Сигез кешене хәзер табиблар күзәтә, аларны иртәгә хастаханәдән чыгарырга мөмкиннәр, чөнки алган җәрәхәтләре авыр түгел, диелә хәбәрдә.
Авариягә эләккән туристларга "Санмар" туроператоры хезмәт күрсәтә. Өйләренә кайтып китә алмаган туристларны мөмкинлек булу белән кайтарып җибәрәчәкләр. Юл чыгымнарын туроператор түләячәк. Әгәр кемгәдер отель кирәк булса, аны отельгә урнаштырачаклар, дип сөйләгән туроператор вәкиле.
