Анталиядә өермә җил пассажирлар утырган автобусны әйләндереп каплаган - видео
Анталиядә өермә җил пассажирлар утырган автобусны әйләндереп каплаган - видео
Өермә җил Төркиянең Анталия аэропортында пассажирларны самолетка утыртырга алып барган автобусны әйләндереп каплаган. Бу хакта Daily Sabah газетасы яза.
Җилнең тизлеге 102 км/сәг кә (секундына 28 метр) җиткән.Давыл тагын бер автобус, мини-автобус һәм ике трапны аударган. Ике самолетка һәм вертолетка зыян килгән. 12 кеше тән җәрәхәтләре алган, аларның гомеренә куркыныч янамый.
Соңгы дүрт көндә Анталияда көчле җилләр исә. Синоптиклар бу җилдән соң һава торышы нормальләшәчәк дип вәгъдә итә.
РКБ язуынча, пассажирлар арасында Россия кешеләре юк.