Әнисез калган сабыйга Татарстанда яңа гаилә эзлиләр – күңелгә тия торган видео
видеодан скриншот
Кама балалар медицина үзәге «ВКонтакте» челтәрендәге сәхифәсендә үзәк өзгеч видео күрсәтте. Анда – ятим сабый.
«Без, үз әниең кайтыр дип, ышандыра алмыйбыз аны. Ләкин без аны сак кына тәрбияләдек, ашаттык, яраттык. Бар да яхшы булыр, дидек.
Без аңа, саклап кына, башлык кидердек, җылы җәймәгә төрдек, җәймәне Чаллының «28 петель» клубы волонтерлары бәйләде.
Без бу сабыйның язмышы бәхетле булыр, дип ышанабыз. ӘНИСЕ килер, дип өметләнәбез. Нәкъ аныкы! Иң җылы куллы, иң матур елмаюлы һәм иң ярата торган йөрәкле», – диелә текстта.