«Әнисе Рәйхана апа һәм кызы Зөләйха да булды» – дуслары Резидә Шәрәфиеваны искә алган

Дуслары мәрхүмә җырчы, Татарстанның халык артисты Резидә Шәрәфиеваны искә алу мәҗлесенә җыелышкан. Бу хакта аның якын дусты Гөлназ Шәйхи социаль челтәрләрдә яза.

«Кичәге көннең бер матур истәлеге. Дустыбыз Резидә Шәрәфиеваны искә алдык. Безне Резидә Хөсәенова җыйды. Аллаһның рәхмәте яусын сиңа. Резидәне искә алуыбыз дога булып барып ирешсен, рухы шат булсын. Әнисе Рәйхана апа һәм кызы Зөләйха да булды», – дигән ул, мәҗлестән фото-видеолар белән уртаклашып.

Резидә Шәрәфиева узган елның 20 июлендә вафат булды. Аңа 59 яшь иде. Соңгы елларда каты авырды.