Әнисе мәктәпкә йөртмәгән, урамга чыгармаган: Казанда 9 яшьлек маугли-кызны коткарганнар

Казанда 9 яшьлек маугли-кызны коткарганнар. Суд приставлары аны опека органнарына тапшырган. Алар, суд карарын үтәү өчен, бала яшәгән йорт адресы буенча килгән, ләкин баланың әнисе ишекне ачмаган. Ишекне ватып керү белән кисәткәч кенә, приставлар өй эченә үтә алган, дип яза «Татар-информ».

Социаль хезмәтләр бала өчен алдан ук кием-салым, ризык һәм су әзерләгән. Кыз мәктәпкә йөрмәсә дә, ул бик акыллы һәм аралашучан булып чыккан.

Республика суд приставлары идарәсе матбугат хезмәте хәбәр иткәнчә, кызның әнисе беркайда да эшләмәгән һәм пособиеләргә яшәгән, баланы урамга кичләрен генә чыгарган. Приставлар эшенә комачаулаган өчен, хатын-кызга карата беркетмә төзелгән.

Хәзер кызны алга таба кая урнаштыру мәсьәләсе хәл ителә – табиблар тикшерүеннән соң, аны әбисенә тапшырырга мөмкиннәр.