![Әнисе белән бабасы бакчада йөргән чакта башына раковина төшкән бала үлгән](https://intertat.tatar/resize/shd/images/uploads/news/2023/6/6/2aa3a81d2a832cca7ba348452666f5ec.jpg)
Башкортстанның Мәләвез шәһәрендә 4 июньдә фаҗига килеп чыккан. Биредә 4 яшьлек сабый һәлак булган. Бу турыда «Башинформ» хәбәр итә.
Агентлыкның үз чыганагы белешмәсе буенча, 3 бала әниләре белән бергә дәү әтиләренә кунакка кайткан. Бабай –хатынның әтисе.
«Якынча белешмә буенча, әнисе белән бабасы бакчада йөргәндә, балалар – 2 кыз һәм 1 малай өйдә була. Бер мизгелдә олы кызлары ванна бүлмәсенә керә һәм коточкыч хәл күрә: 4 яшьлек бала идәндә ята, аның өстенә раковиналы тумба ауган», – дип сөйләгән агентлык чыганагы.
Урынга «ашыгыч ярдәм» чакыралар. Табиблар баланың үлемен раслый.
Тикшерү эшләре бара, диелә хәбәрдә.