Барлык язмалар news_header_top_970_100
news_header_bot_970_100
Язманы тыңлагыз

«Әнисе ачынып елады». Әниләре өйдә юк чакта үсмер кыз янып үлгән, ике энесе котылган

news_top_970_100
«Әнисе ачынып елады». Әниләре өйдә юк чакта үсмер кыз янып үлгән, ике энесе котылган
https://epp.genproc.gov.ru/, Хабаровск крае прокуратурасы

Хабаровск краеның Мылки станциясендә 17 яшьлек кыз бала янып үлгән. Бу турыда «Комсомольская правда» хәбәр итте.

21 гыйнварга каршы төндә өйдә янгын чыга. Бу вакытта 3 бала үзләре генә була, әниләре Амурск шәһәренә дус хатыны янына кунакка китә, олы кызын энеләрен карарга калдыра. Малайларга 13 һәм 8 яшь була.

Бу якларда бик салкын булу сәбәпле, төнлә температура -40 градуска кадәр төшә. Туңып үлмәс өчен, балалар өйдә җылыткыч яндыра. Башка электр җиһазлары да эшләгән булуы ихтимал. Якынча белешмә буенча, бер җайланма ватылган, һәм янгын чыккан. Өй бөтенләй янып беткән.

Кирпечтән төзелгән йортны ут бик тиз чолгап ала. Ике малай өйдән чыгу җаен таба. Олы кыз чыга алмый. Коткаручылар утны сүндергән вакытта, әниләре дә кайтып җитә. Ул кычкыра, бик ачынып елый, ләкин аның кызына ярдәм итеп булмый.

«Ачык утны 02.22 сәгатьтә сүндерделәр. Янкормага өлешчә зыян килде, ут таралуга юл куелмады. Хәрабәләрне актарган чакта, балигъ булмаган кыз гәүдәсе табылды, анда яшәү билгеләре юк иде. 09.22 сәгатьтә янгын тулысынча сүндереп бетерелде», – дигәннәр Россия Гадәттән тыш хәлләр министрлыгының Хабаровск крае буенча баш идарәсендә.

Хәзер әниләре, ике улы Амурскида социаль ярдәм үзәгендә яши. Алар белән психологлар эшли. Бу гаилә бернинди хисапта да тормаган.

Тикшерү эшләре бара, диелә хәбәрдә.

Комментарийлар (0)
Калган символлар:
news_right_column_1_240_400
news_right_column_2_240_400
Медиаметрикс
news_bot_970_100