Башкортстанның Кушнаренко районындагы Әхмәт авылында күп балалы гаилә яши торган өй янган. Бу турыда «Башинформ» хәбәр итте.
5 бала һәм аларның ата-анасы яши торган 5х7 метрлы агач йортта ут чыккан чакта, әниләре бала тудыру йортында булган. Ул 5нче баласын тапкан.
Башкортстан Гадәттән тыш хәлләр министрлыгы белешмәсе буенча, әниләре яңа туган сабый белән хастаханәдә була. Әтиләре 1 баласы белән хатыны һәм 5нче сабый янына хастаханәгә китә. 3 бала өйдә кала. Алар ишегалдында уйнап йөри. Аннары бер бала таба йомырка кыздырырга кереп китә. Плитәне яндыра, табага май сала һәм, терлекләрне карарга дип, ишегалдына чыгып китә. Бала кире кергәндә, өйне ут чолгап алган була инде.
«Балаларның берсенә дә зыян килмәгән, алар барысы да имин урынга китәргә өлгергән», – дигәннәр ведомствода.
Хәзер бу гаилә туганнарында яшәп тора.