Аш-су блогеры Илүзә Хөснетдинова социаль челтәрдәге сәхифәсендә «Әни торты» рецептын тәкъдим иткән.
Ингредиентлар: 6 йомырка, 2 чәшкә шикәр комы, 2 чәшкә он, 24 грамм көпшәкләндергеч. Барысын бергә болгатырга, камыр әзер була.
Табаны үсемлек мае белән майларга һәм 180 градуска кадәр кызган духовкада 40 минут пешерергә.
Кремны атланмай, куертылган сөт (сгущенка), шулай ук кибет каймагына шикәр комы салып та ясарга була.
Пешеп чыккан камырны суытырга, икегә бүләргә, крем ягарга. Әзер тортның өстенә дә крем ягарга һәм бизәү өчен әстерхан чикләвеген ваклап сибәргә, шоколад, кокос вагы да кулланырга була.
Фото: © Илүзә Хөснетдинова