«Әни, сиңа авыр инде, әйеме?» – Блогер Әлфия Галиәхмәтова Казанга хастаханәгә килгән
Блогер Ринат Галиәхмәтов (Татар Малай) әнисе, блогер Әлфия Галиәхмәтова белән төшкән видеоны күрсәтте.
«Әнием Казанда, икенче чире белән көрәш алып барабыз», – дип язган ул видео астына.
– Әни бер авыр терапиядән чыгып, Казанга икенчесенә килде. Әни, сиңа авыр инде, әйеме?
– Юк, нормаль. Ярдәм итүчеләрем яхшы.
«Чирдән көчлерәк булып җиңәргә язсын», – дип тели блогерның язылучылары.
Әлфия ханым инфаркт кичереп, хастаханәгә эләккән иде. «Әтисе мине ел буе бала карагандай карый. Балалар да шулай. Башта онкология 4 стадия, аннан менә инфаркт екты. Исән-сау булыгыз, чирләмәгез», – дип язган иде ул үзенең сторисларында.