Псков өлкәсендә 3 бала анасын тоткарлаганнар. Ул берничә ай дәвамында балаларының чери башлаган мәетләре белән бер фатирда яшәгән. Бу турыда РЕН ТВ хәбәр итте.
Әлеге хатынның 2019 һәм 2023 елда туган 2 улының мәетен Великие Луки шәһәрендәге фатирда табалар.
«Күршеләр подъездда һәм башка фатирларга сасы ис таралу турында берничә тапкыр зарлана. Алар, вентиляциядә күсе үләксәсе бардыр, дип фаразлый», – дигән РЕН ТВ чыганагы.
Урынга полиция хезмәткәрләре бара. Алар сасы ис таркала башлаган мәетләрдән чыгуын ачыклый. Биредә 1 һәм 4 яшьлек ике малай гәүдәсе чери башлаган.
Мокряки авылында бакча йортында әлеге хатынның 8 яшьлек кызының мәете табыла.
34 яшьлек әни кешене тоткарлаганнар, аны үтерүдә шикләнәләр. Җинаять эшен тикшерү бара, диелә хәбәрдә.