Популяр алып баручы Гөлназ Сәфәрова колагына пирсинг ясатмакчы булып йөри икән.
«Һәр яз саен мин үзгәрешләр телим. Моңа кадәр үземдә булмаган яңа әйберләр ясыйсым килә. Бер колагымда 3 алка бар инде. Хәзер колак эченә пирсинг тагарга җыенам.
Әни: «Акыл керми», – дип сүгә, ә мин язылып куйдым инде. Әни сүзен тыңлап, беренче курста борынымны да тиштерми калдым. Тыңлап дип инде, аның бер: «Борының болай да зур», – дигән бер җөмләсе җитте», – дип яза Сәфәрова.
Бу пост янында иң кызык комментарийны Гөлназның коллегасы Алмаз Гыйльметдинов калдырган. «Гөлназ, исәнмесез. Теге эчкә пирсинг ясатасы җирегез болай да зур», – дип язып куйган ул. «Пирсинг хатын-кыз энергиясенә тискәре йогынты ясый. Киңәш итмәс идем», – дип әйтүчеләр дә, Гөлназдан колагын кайда тиштерергә җыенуы белән кызыксынучылар да бар.
Бер подписчигы алып баручының әнисенә теләктәшлек белдереп: «Минем кызымның да шулай «баш түбәсе киткәли». Син татуировка ясатып кара, бәлки, тынычланырсың», – дип язып куйган.
Фото: © социаль челтәрләр