Татарстанның атказанган артисты Гөлназ Нәүмәтова, Питрәч районы Ленино-Кокушкино авылына әти-әнисе янына кайтып, бәрәңге алып килгән.
«Ура! Без бүген бәрәңге алып аттык әле! Ник иртә, дип яза барысы да... Безнең шундый сорт! Ә дөресрәге, әни белә җаен, бик тырышалар инде! 8 майда утырттык, кешенең бәрәңгесе әле чыгып килгәндә, безнеке шау чәчәктә иде, июль башында ашый башладык, ә бүген, алып, базыбызга салып та куйдык! Аллаһка шөкер! Исән-сау, үзебезгә ашарга насыйп булсын!» – дип язган артист «Вконтакте»дагы битендә.