Галимнәр ике ата күкәй күзәнәктән генә ясаган эмбрионнан тычкан баласы туган. Аның анасы бөтенләй юк. Шулай итеп, ана затның генетик материалыннан башка гына, ике ир җенесе ярдәмендә сәламәт нәсел алу мөмкинлеген экспериментта исбатлаганнар. Әлбәттә, кешеләр катнашында кабатлар өчен, әлеге тикшеренү зур юл узарга тиеш, дип яза smotrim.ru.
Тикшеренүчеләр ата тычканнарның күзәнәкләреннән ана җенес күзәнәкләре (күкәй күзәнәк) ясаган һәм шуны аталандырганнар. Аннары эмбрионнарны ана тычкан корсагына утыртканнар. Аларның бер өлеше сәламәт, нәсел калдыра алырлык токым биргән.
Әлеге казаныш турында Лондонда Кеше геномын редакцияләү буенча халыкара өченче саммитта сөйләгәннәр. Нәтиҗәләр статья рәвешендә бастырылмаса да, алар гаҗәеп, диелә хәбәрдә.
Шунысы искәртелә – мондый технологияләрне кешеләрдә куллануга әлегә бик ерак. Ләкин бу ысул баласызлыкның кайсыбер сәбәпләрен дәваларга, бер генә ата яки ананың эмбрионнарын кулланырга да мөмкинлек тудыруы ихтимал. Техника медицинада кулланудан әле бик ерак, дип, берничә тапкыр искәртелә.