«Аңа хәбәр иткәннәрме – юкмы, белмибез»: Сибайдан мобилизацияләгән артистның улы туган
Башкортстанда узган елның сентябрендә мобилизацияләнгән Сибай концерт-театр берләшмәсе артисты Илнар Хатмуллинның улы туган. Сабый – әти-әнисенең беренче баласы. Бу хакта «Мой Башкортстан» басмасына 23 яшьлек егетнең хезмәттәшләре хәбәр иткән.
«Аның хатыны Фидалия һәм бала үзләрен яхшы хис итә. Малай туганын кичә белдек. Әтисенең элемтәдәме – түгелме икәнен, аңа улы туганын хәбәр иткәннәрме – юкмы икәнен белмибез», – дип сөйләгән Илнарның хезмәттәшләре.
Әлеге шатлыклы хәбәр белән яшь әти-әнине социаль челтәрләрдә якташлары да котлаган.
«Бала әтисе һәм әнисе белән үссен. Әнисенә һәм балага сәламәтлек һәм көч, ә әтисенең тизрәк өенә әйләнеп кайтуын телибез», – дип язган Миләүшә Габитова.
«Улы туу белән котлыйбыз. Әтисе исән-сау әйләнеп кайтсын. Улын күрсен, шатлансын», – дип язган Ярая никлы кулланучы.
«Котлыйбыз! Сәламәт булып үс, сабый!» – дип теләгән Зәйтүнә Искәндәрова-Ибраева.
"Сибай город Вконтакте төркемендә биюченең элекке чыгышын элеп куйганнар.