Барлык язмалар news_header_top_970_100
news_header_bot_970_100
Язманы тыңлагыз

«Ана этләр заманына калдык» – Гөлнара Җәлиловадан заманага аваздаш шигырь

news_top_970_100
«Ана этләр заманына калдык» – Гөлнара Җәлиловадан заманага аваздаш шигырь
Гөлнара Җәлилованың социаль челтәрдәге битеннән

Шагыйрә, журналист, Татарстан Язучылар берлеге әгъзасы Гөлнара Җәлилова социаль челтәрдәге сәхифәсендә яңа шигырен тәкъдим иткән.

«Көчле булган бу, ахирәт! Актуаль», – дип язган Кәрим Тинчурин исемендәге драма һәм комедия театры артисты Резедә Сәләхова.

«Әйе, заманага аваздаш», – дип җавап биргән дустына шагыйрә.

«Ана этләр заманына калдык...

Дөньяны да бутый ана эт.

Бәрхет чәчәк эзләп гомер үтте:

Чәчәк бар да, таҗы саен – бет....

Кемнәрдәндер калган төпчек имеп,

Үзалдына үзе сүгенеп,

Баянымы, гармунымы шунда –

Тез башына китте сүтелеп...

Сәрхүш дөньясында ялгыз иде –

Әллә Бауман, әллә Варшава,

Әллә яңгыр коя чиләк белән –

Бөтен халык өйгә ашыга.

Тот кулчатыр, тамагың да ачтыр?

«Җаным сызлый, монда – ачыта,

Син кем булдың?» Йөрәк турын уып,

Ул үтәли бакты. Хәситә!

Сул йодрыкта ачу белән кыскан

Хәситәдән тама иде кан:

Таш бизәлгән чүпрәк елый иде,

Һәм ир елый, тәмәке тарткан...

Һәм күк елый. Кулчатырны учлап,

(Артык персонажлар кирәкме?)

Син тынычлан, димен, вакыт – дәва,

Ул дәвалый белә йөрәкне!..

«Син өйрәтмә, маңка, син яшь әле,

Бу дөньяда мыскал юк аклык!

Эчеп үләм, дисәң, үлеп булмый –

Үләргә дә кирәк батырлык!..»

Су күрмәгән чәчтән яңгыр акты,

Буыла-буыла ютәл кузгалды,

Хәситәгә битен сөртә-сөртә

Әй сөйләнде сәрхүш үзаллы:

«Ана этләр... Ана этләр басты

Чәңгелдиләр ярып колакны!..»

Кулчатырым калды яңгыр эчеп,

Ике йөзлек – үбеп асфальтны...

...Ана этләр заманына калдык...

 

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100