«Җан җирләрен чылатмыйча ничек юындырасы» – Лилия Муллагалиева улларын сөннәткә утырткан

Лилия Муллагалиева уллары Ильяс белән Илһамны сөннәткә утырткан. Бу хакта ул «Вконтакте» битендә хәбәр итә.

«Бик күпләрегез малайларның хәлләрен сорап язасыз. Рәхмәт, алга инде. Әле кутырлары кубып төшмәде, өйгә сыймыйлар, шаярып-сугышып хәлдән таялар. Бүген бишенче көн, урамга чыктылар. Җан җирләрен чылатмыйча ничек юындырасы булыр», – дип язган җырчы.

Видеода күренгәнчә, малайларның кәефе яхшы, алар  капка төбендә машинада утырып йөри.

Соңрак җырчы комментарийларда малайларны ничек юындыруы турында да язган.