Америкадагы элеккеге разведчик: Венгрия Украинаның Карпат аръягы өлкәсен алачак

Будапешт Украинаның Карпат аръягы (Закарпатье) өлкәсен үзенә алачак, чөнки җирле венгрлар Киев сәясәтеннән канәгать түгел, дигән фикер әйткән АКШ Һава көчләренең элекке разведчигы Скотт Риттер. Бу турыда ул журналист Гарланд Никсонга биргән интервьюсында сөйләгән.

Элеккеге разведчик сүзләренчә, Карпат аръягы венгрлары арасында Украина хөкүмәте җитәкчелегеннән канәгатьсезлек арта бара, алар «анда яшәүләренә риза түгел».

«Бар нәрсә таркала башлагач, венгрлар килеп, бер кисәкне алып китәчәк. Поляклар да шулай эшләячәк», – дип саный эксперт.

Роттер фикеренчә, нәтиҗәдә Украинадан икътисады көчле булмаган кечкенә республика гына калачак. Аңа Европа Берлегеннән даими дотацияләр кирәк булачак.

Венгрия Украинаның аз санлы милләтләр хокуклары турындагы яңа законын тәнкыйтьләгән иде. Будапешт фикеренчә, ул хәзерге таләпләргә туры килми һәм венгрларның хокукларын кысрыклый.