Америкада яшәүче татар җырчысы Гөлназ Батталова әни булуын инглиз телендә хәбәр итте
Америкада яшәүче татар җырчысы Гөлназ Батталова бүген әни булган. Сөенечле хәбәрне җырчы социаль челтәрләрдә җиткерде.
Инглиз телендә: «Без әти һәм әни. 19.10.2023», – дип язып куйган ул һәм русча дәвам иткән. Шушы ук постны аның тормыш иптәше Алекс та урнаштырган.
Гөлназ Батталова сүзләренчә, матур парның кызлары бик төгәл сабый икән – ул нәкъ табиблар әйткән көнне (ПДР) дөньяга килгән.
Гөлназ бүгенге көндә Америкада яшәп иҗат итә. Ул булачак ире Алекс белән Америкага баргач танышкан. Яшьләр 2022 елда мөнәсәбәтләрен рәсмиләштерде. Быел Лос-Анжелесның бер банкетлар залында зурлап туй мәҗлесе үткәрделәр. Җәй көне яшьләр Чаллыга кайтып та никахлашуларын бәйрәм итте һәм гендер-пати уздырды.