Америка армия министры Кристин Вормут Украинадагы конфликтның кайчан бетәчәген белдерде

Украинадагы конфликт алдагы 1-2 елда үзеннән үзе хәл ителергә мөмкин, дип саный Америка армия министры Кристин Вормут. Бу хакта news.mail.ru сайты яза.

«Украинадагы сугыш алдагы 1-2 елда үзеннән-үзе хәл ителер, дип уйлыйм. Без Путинның Украина территориясен тагын яулап алу ихтималы турында ныклап уйланырга, бу хакта борчылырга тиеш», – диде Вормут.

Шулай ук ул, Россия үз активында Хәрби-һава көчләре, Хәрби-диңгез флоты киберподразделениеләре мөмкинлекләренең күп өлешен саклый, диде. 

Узган елның көзендә Америка президенты Джо Байден конфликтны хәл итүнең бердәнбер шартын атады. 

«Путин Украинадан китмичә, конфликт хәл ителер дип уйламыйм», – диде ул. 

Украина Президенты Владимир Зеленский да шушы шарт яклы. Американың оборона министры Ллойд Остин Украинадагы хәрби хәрәкәтләр «нинди дә булса сөйләшүләр» белән бетәчәген дә фаразлады. 

Узган елның декабрендә Путин Мәскәүнең конфликтны тизрәк бетерергә омтылышы турында белдергән иде. Кремльдә әйтүләренчә, моның өчен «Киев режимына Вашингтоннан тиешле боерык кына кирәк».