Танылган алып баручы Айрат Ильясовның хатыны, җырчы, филармония артисты, 3 кыз әнисе Ләйсән Сөнәгатова шатлыклы мизгелләр кичерә. Яңа ел алдыннан аның хезмәтенә бәя биргәннәр. Бу хакта ул социаль челтәрдәге сәхифәсендә хәбәр итә.
Ул, мәдәният үсешенә керткән өлеше өчен, министрлыкның мактау грамотасына лаек булган. Бүләкне аңа мәдәният министры Ирада Әюпова тапшырган.
«2024 ел иҗат өлкәсендә уңышлы булды. 22 февральдә минем беренче сольный концертым уңышлы узды. Шулай ук Казан шәһәре филармониясенең күп кенә музыкаль проектларында катнаштым. Алга таба да эшлибез! Яңа проектлар һәм иҗади номерлар әзерлибез.
2007 елдан бирле яраткан эшемне башкарам. Минем хезмәтемә югары бәя биргәне өчен, хөрмәтле җитәкчеләремә рәхмәт», – дип хис-кичерешләре белән бүлешә артист.