Алып баручы Илназ Миңнехановның хатыны Лиана: «Балагызның йөрәге типми, диделәр»
Алып баручы, тамада Илназ Миңнеханов тормыш иптше Лиана белән уллары Ансельны үстерәләр. Хәзер аларның гаиләләрендә тагын сөенеч, ишәю көтелә.
Илназ Миңнехановның тормыш иптәше йөклелек чоры хакында пост урнаштырган.
«Сезнең балагызның йөрәге типми…»
Икенче йөклелекнең 8 атнасында УЗИда шулай дип әйттеләр. Бер ел элек диярлек. Әлеге очрактан соң ниндидер фобия, эчеңдәге тормыш өчен җаваплылыктан курку хисе калды. Хәзер өченче йөклелек чорым уза… 22 атна. Бу юлы инде баланың кыймылдауларын 13 атнада ук сизә башладым. Ә кичә беренче көчле тибенешләр булды, моны хәтта күрергә дә мөмкин иде. Әлегә үземнең авырлыгыма тагын 8 кг өстәлде. Озакламый авырлы булу, бала табу, фотограф, табиб сайлау буенча киңәшләрегез кирәк булачак», — дип язган Лиана.
«Иң авыры инде артта калган. Җиңел бала табулар сиңа», «Барысы да яхшы булыр, Лиана», — дип яза инстачылар.