Алып баручы Гамил Нурның куяннарын үтергәннәр
Сәер җәнлек куяннарның берсен дә ашамаган.
![Алып баручы Гамил Нурның куяннарын үтергәннәр](https://intertat.tatar/resize/shd/images/uploads/news/2020/9/23/856a7c5361a1bab95ac43e7ce4d0dfa93988a23198b09b3c5574a60db592.jpg)
Алып баручы Гамил Нурның Арча районы Казанбаш авылындагы бөтен куяннарын ниндидер җәнлек үтереп бетергән. Каз-үрдәккә тимәгән, бары тик куяннар гына әрәм булган. Гамил Нур бу турыда инстаграмдагы сәхифәсенә язган.
Видеода: «Иртә белән чыгуыма менә шундый хәл. Нәрсә бәргәндер. Берсен дә ашамаган да. Ләкин куяннарның барысын да үтереп бетергән. Ояны җимергән. Нәрсәдер, белгән юк», — ди Гамил.
Ул үзе төлке, чәшке һәм сасы көзәннән шикләнә. Инстадусларының күпчелеге төлке дип уйлый. «Ашамаган да бит. Кан да юк. Куркудан үлгәннәрдер алар», — дип фаразлаучы да бар.