Алты яшьлек бала сулыкта батып үлгән
Башкортстанда һәлак булган баланы әтисе табып алган.
Бу турыда Россия Тикшерү комитетына сылтама белән җирле матбугат чаралары хәбәр итте.
30 апрельдә бала сулык янында уйнап йөргән. Аягы шуып, суга төшеп киткән. Берникадәр вакыттан соң, баланың мәетен әтисе табып алган.
Хәзерге вакытта фаҗиганең барлык нечкәлекләрен ачыклау буенча тикшерүчеләр эшли, дип хәбәр иткәннәр Башкортстан Тикшерү комитетында.
Суд-медицина экспертизасы баланың үлеме сәбәпләрен билгеләячәк.