Былтыр октябрьдә Ростов өлкәсендә бергә яши торган ирен үтергән хатынны хөкем иттеләр. Җинаять кылганда, ул 6 айлык авырлы, мәрхүм ир-ат баланың әтисе була. Хатын ирен элеккеге дус кызына көнли. Бу турыда «Комсомольская правда» хәбәр итте.
42 яшьлек Оксана (исемнәр үзгәртелә) элекке ире белән аерылышкан, элеккеге иреннән туган улы бар. Берничә ел элек яңа ир – 32 яшьлек Алексей белән таныша. 3 ел элек алар бергә яши башлый, 2022 елда Оксана авырга уза. Алексей йөк ташулар белән шөгыльләнә, гаиләне тәэмин итә.
31 октябрьдә Алексей дуслары белән гаражда очраша, автомобильчеләр көнен бәйрәм итәләр. Бирегә Оксана да килә, ул Алексейның элеккеге дус хатынын да чакыруын белеп ала. Оксана өйгә кайтып китә, Алексейның әйберләрен җыеп, ишек төбенә чыгара.
Аннары Оксана кабат гаражга килә, Алексейның берни булмагандай эчеп, элеккеге дус хатыны белән аралашып утыруына ачуы чыга. Оксана пычакка ябыша, Алексейның күкрәгенә бәрә. Ир «ашыгыч ярдәм» килгәнче үлә. Сорау алганда, Оксана үпкә һәм көнчелектән ярсуын әйтә, гаебен өлешчә генә таный.
Былтыр декабрь азагында Оксана бала таба. Хәзер аны 6 елга ирегеннән мәхрүм иткәннәр, диелә хәбәрдә.