Алтайда кар көрте астында калып, җиде кеше һәлак булган

Алтай тауларында, өсләренә кар көрте төшеп, җиде кеше һәлак булган. Туристлар Новосибирск шәһәреннән килгән булган, дип яза РИА Новости.

Туристик төркемдә барлыгы тугыз кеше булган. Маршрутка чыгар алдыннан алар теркәлү узган. Туристларны, Көньяк-Чуй калкулыгына менеп барганда, өстән төшеп килгән кар көрте каплаган. Гадәттән тыш хәл алтынчы май көнне булган.

Фаҗига урынына озакламый вертолетта коткаручылар киләчәк, диелә хәбәрдә.