Алсу Вәлиуллинаның «Рәхмәт сиңа, җаным» клибы
Гөлназ Зарипова көе, Айгөл Шәфигуллина сүзләре.
1.Синең белән икәү җитәкләшеп
Менеп киттек тормыш үренә
Җил-яңгырлар, давылларны үттек,
Алда якты кояш күренә.
Кушымта:
Рәхмәт сиңа, җаным, авыр минутларда
Сабыр-түзем булдың һәрвакыт.
Күңелем түрендә утлар сүнгән чакта
Юлларымны бардың яктыртып.
2.Кыен вакытларда чыдам булып
Каршы тордык давыл-җиленә,
Каян алдың шундый сабырлыклар,
Таңнар калдым синең көчеңә.
3.Тормышның юллары борма-борма,
Ялгыш юлга кереп китмәдек.
Яратканга күрә икебез дә
Буш сүзләрне бик тиз үткәрдек.