Татарстанның халык артисты Алсу Сөнгатуллинаның махсус операциядәге улы Айрат кыска вакытлы ялга кайткан. Бу хакта Алсу үзенең сторисларында язды. «Улыбыз Айрат ике атнага отпускка кайтты», – дип куанычы белән уртаклаша җырчы, улы һәм якыннары белән бергәләп төшкән фотолар урнаштырып.
Моңа кадәр Алсу Сөнгатуллина улының каты яралануы, госпитальдә тернәкләнү узуы хакында да сөйләгән иде. Җырчының улы Айрат махсус операциягә өлешчә мобилизациягә эләгеп, иң беренчеләр рәтендә китеп барды.
