Алсу һәм Азат Фазлыевларның бер ел әзерләнгән клиплары чыкты
Иҗади гаиләнең тамашачылары җырны яратып кабул иткән.
Алсу һәм Азат Фазлыевларның яңа клиплары чыкты. Ул «Бәхетле бул, рәхмәтле бул» җырына төшерелгән.
«Гадәти булмаган премьера, чөнки без аңа 1 ел әзерләндек. Бу җыр һәр кешенең күңеленә барып җитәр дип ышанабыз. Клибы да зур мәгънәгә ия. Аны тулысынча YouTube каналыбызда тыңлый аласыз», — дип язган Алсу.
Яңа җырның авторлары — Гөлфия Шакирова белән Таһир Әсадуллин.
Иҗади гаилә клипны төшерүгә бар күңел җылысын салган командага да рәхмәтен җиткергән.
«Бик мәгънәле клип һәм җыр булган бу», — дип бәяләгән тамашачы.